Zjarri përfshin zonën pranë Krujës, flakët rrezikojnë shtëpitë

Një zjarr i përmasave të mëdha ka përfshirë zonën pranë Halilit në Krujë, duke krijuar rrezik për përhapjen e flakëve drejt pjesës së banuar, përcjell Gazeta Metro.

Forcat zjarrfikëse dhe ekipet e Emergjencave Civile janë angazhuar në terren, ku po përpiqen të vënë nën kontroll vatrën dhe të pengojnë avancimin e zjarrit drejt shtëpive.

Terreni i vështirë dhe malor po e komplikon ndërhyrjen nga toka. Për këtë arsye, operacioni është mbështetur edhe nga ajri, me synim kufizimin e përhapjes së flakëve, raporton vizionplus.

Deri tani, ekipet në terren vijojnë përpjekjet për izolimin e zjarrit dhe mbrojtjen e zonave të banuara pranë vatrës./gazetametro.net