Skuadra e Llapit ka bërë një super transferim gjatë këtij afati kalimtar veror.
Përmes rrjeteve sociale, kampioni i Kupës së Kosovës – bëri të ditur transferimin e Alban Shillovës.
Shillova së fundmi ishte pjesë e kampionit, FC Prishtinës, ndërsa sot ka firmosur kontratë një-vjeçare me Llapin.
Sulmuesi i qendrës më parë ka qenë pjesë e skuadrave si: Bylis, Trepça, Liria, Drita, Flamurtari, Drenica dhe së fundmi tek Prishtina, me të cilët u shpall kampion në edicionin 2020/21.