Zyrtare: Llapi transferon mesfushorin e Kosovës U21
-
29/01/2023 | 16:06
Klubi i Llapit përmes një postimi në Facebook ka njoftuar se ka arritur marrëveshje me mesfushorin ofensivë, Gentrit Limani, transmeton Gazeta Metro.
Në postimin e Llapi thuhet se 22-vjeçari është bashkuar sot me ekipin në përgatitjet finale para ndeshjes së Kupës dhe edicionit pranveror të Superligës.
Limani është pjesë e Kombëtares së Kosovës U21, ndërsa më parë ka veshur fanellën e ‘Dardanëve’ edhe për grupmoshën U19.
”Karrierën e tij e ka nisur tek kategoritë e reja të Eintracht Frankfurt, kurse ka vijuar me paraqitje tek: Kickers Offenbach U17 (26 ndeshje, 8 gola, 4 asistime), VfL Bochum U19 (45 ndeshje, 9 gola, 11 asistime), Hamburger SV II (52 ndeshje, 4 gola, 10 asistime) dhe së fundmi tek, FC Rot-Weiß Koblenz (23 ndeshje, 1 gol, 4 asistime),” thuhet në njoftim.
Më poshtë gjeni postimin e plotë nga skuadra e Llapit. /gazetametro.net
