Zyrtare: Vendosen masat e reja anti-covid, ndalohet qarkullimi i qytetarëve nga ora 22:00 deri në 05:00

Qeveria e Kosovës, ka njoftuar masat e reja anti-covid në Kosovë. Këto masa përfshijnë pezullimin e aktiviteteve të caktuara, shkruan Gazeta Metro.

Ministri i Shëndetësisë, Arben Vitija, ka treguar masat e reja të cilat parashohin pezullim të aktivitetit të gastronomisë, arsimit parauniversitar dhe atij universitar (të cilët kalojnë në mësim online.)

Arsimi parauniversitar do kalon në mësim online nga 12 deri 18 prill, ato universitare 7-18 prill.

“Shërbimet e gastronomisë lejohen të punojnë vetëm me shërbim “merr me vete”, “dërgesë me porosi” dhe “drive-through”.

Ndërkaq bartja e maskës duke mbuluar hundën dhe gojën është obligative, në të gjitha rastet përveç:

-Gjatë ngasjes së automjetit vetëm apo me anëtarët e ngushtë të familjes;

-Gjatë vrapit dhe çiklimit;

-Gjatë ecjeve jashtë zonave të banuara dhe jo në grupe me më shumë se 4 persona të të njëjtës familje.

Ndër masat është edhe pezullimi i konvikteve dhe menzave të cilat pezullojnë aktivitetin e tyre nga 7 deri më 18 prill 2021./gazetametro.net