Loading…
Zyrtarët e ministrisë së Arsimit në hotel ‘Bonita’ në Durrës, 60 mijë euro kushton akomodimi i tyre
  • 12/02/2019 | 09:27

Zyrtarët e ministrisë së Arsimit në hotel ‘Bonita’ në Durrës, 60 mijë euro kushton akomodimi i tyre

Mijëra euro është duke shpenzuar Ministria e Arsimit, Shkencës dhe Teknologjisë (MASHT) për vlerësimin e dorëshkrimeve të teksteve të reja shkollore, që pritet të nxirren në shtator.

Kjo ministri ka zgjedhur që procesi i vlerësimit të teksteve të reja të kryhet në “Hotel Bonita” në Durrës të Shqipërisë.

Burime të Kohës Ditore, brenda MASHT-it, kanë thënë se Ministria ka dërguar afro 200 persona për t’u marrë me këtë proces dhe se shuma e shpenzimeve vetëm për akomodim është mbi 60 mijë euro.

Në anën tjetër, menaxherja e hotel “Bonita”, Mirjeta Ismaili, ka dhënë shifër më të ulët, duke thënë se aktualisht aty janë të vendosur diku 105 persona. Po ashtu, ajo ka bërë të ditur se MASHT-i do të paguajë 60 euro për akomodimin e një personi vetëm për një ditë.

Të angazhuarit në këtë proces pritet të qëndrojnë në këtë hotel 8 ditë.

Ministria e Arsimit nuk ka treguar për numrin e saktë të atyre që kanë shkuar për të marrë pjesë në vlerësimin e teksteve shkollore, dhe nuk është përgjigjur përse vlerësimi i teksteve nuk është bërë në Kosovë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë